Հայաստանում կորոնավիրուսի հաստատված դեպքերի թիվը հասել է 1067-ի, առողջացել է 265 մարդ
14-04-2020 11:21:51 | Հայաստան | Հասարակություն
Ապրիլի 14-ի ժամը 11:00-ի դրությամբ Հայաստանում արձանագրվել է կորոնավիրուսի հաստատված 28 դեպք, առողջացել է ևս 54 քաղաքացի:
Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, կորոնավիրուսի հաստատված դեպքերի ընդհանուր թիվը 1067 է:
Ներկայումս կորոնավիրուսի դեմ փաստացի բուժում է ստանում 786 անձ, իսկ առողջացածների ընդհանուր թիվը 265 է:
Ապրիլի 13-ի դրությամբ արձանագրվել է մահվան 2 դեպք։ 65-ամյա և 82-ամյա պացիենտներն ունեցել են կորոնավիրուսային հիվանդություն, հաստատված երկկողմանի ծանր թոքաբորբ, սուր շնչառական անբավարարություն։
Այսպիսով՝ կորոնավիրուսից մահացածների ընդհանուր թիվը 16 է:
Հիշեցնենք, որ վիրուսի տարածումը կանխարգելելու նպատակով ՀՀ-ում մարտի 16-ից գործում է արտակարգ դրության ռեժիմ, նաև սահմանափակվել է քաղաքացիների ազատ տեղաշարժի իրավունքը:
ՀԱՅԵՐԵՆ
Русский
English
Դաս. հայերեն
French
