ՌԴ-ում COVID-19-ի հետևանքով 232 մահվան նոր դեպք է գրանցվել. համավարակի ընթացքում ամենաբարձր ցուցանիշը

29-05-2020 14:16:04   | Ռուսաստան  |  Ի՞նչ է գրում մամուլը
Ռուսաստանում կորոնավիրուսի հետևանքով մահերի թիվն ավելացել է 232-ով՝ ընդհանուր թիվը դառնալով 4 հազար 374: «Արմենպրես»-ի հաղորդմամբ, այս մասին տեղեկացնում է ՏԱՍՍ գործակալությունը՝ ներկայացնելով կորոնավիրուսի տարածման դեմ պայքարի օպերատիվ շտաբի տվյալները: Այս ընթացքում մահացության ամենաբարձր ցուցանիշը եղել է 174, այն գրանցվել է երկու անգամ՝ մայիսի 26-ին և մայիսի 28-ին: Ռուսաստանում վարակվածների թիվն ավելացել է 8 հազար 572-ով՝ ընդհանուր թիվը դառնալով 387 հազար 623: Կորոնավիրուսը հաղթահարածների թիվը հասել է 159 հազար 257-ի, ինչը կազմում է վարակվածների 41 տոկոսը: Վերջին մեկ օրում դուրս է գրվել 8 հազար 264 մարդ:
 


Նոր դեպքերից 2 հազար 332-ը գրանցվել է
Մոսկվայում․ այստեղ վերջին մեկ օրում դուրս է գրվել 3 հազար 473 մարդ: Ընդհանուր առմամբ, մայրաքաղաքում դուրս է գրվել 74 հազար 724 մարդ, որը կազմում է վարակվածների 42.5 տոկոսը: Մոսկվայում ընդհանուր վարակվածների թիվը 175 հազար 829 է:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 369 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար