Երեխայի ծննդյան վկայականում նաև ՀԾՀ-ն նշելու օրինագիծն առաջին ընթերցմամբ ընդունվեց միաձայն

03-06-2020 18:24:56   | Հայաստան  |  Ի՞նչ է գրում մամուլը
ՀՀ Ազգային ժողովն առաջին ընթերցմամբ ընդունեց «Քաղաքացիական կացության ակտերի մասին» Հայաստանի Հանրապետության օրենքում փոփոխություն կատարելու մասին և «Հանրային ծառայությունների համարանիշի մասին» Հայաստանի Հանրապետության օրենքում փոփոխություն և լրացում կատարելու մասին օրենքների նախագծերի փաթեթը: Կառավարության առաջարկած փաթեթով առաջարկվում է երեխայի ծննդյան վկայականում նշել նաև Հանրային ծառայության համարանիշը:
 


«Առաջարկվող փոփոխությամբ՝ նախատեսվում է ծննդի պետական գրանցման ակտում և ծննդի վկայականում, ի թիվս այլ տվյալների, ծնողների համաձայնությամբ՝ նշել նաև Հանրային ծառայության
համարանիշը: Երեխայի հանրային ծառայության համարանիշն ամրագրող պաշտոնական փաստաթուղթ կհանդիսանա նաև երեխայի ծննդյան վկայականը և ծննդի պետական գրանցման մասին տեղեկանքը, ինչը կնվազեցնի հանրային ծառայության համարանիշը ստանալու վարչարարությունը»,- նախագիծը ներկայացնելիս նշել էր ՀՀ արդարադատության նախարարի տեղակալ Վահե Դանիելյանը:
 
Օրենքների նախագծերի փաթեթն առաջին ընթերցմամբ ընդունվեց միաձայն՝ 106 «կողմ» ձայնով:
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 309 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար