Սարկոզին խոստացել է ավելի հզորացնել իր ուժերը Լիբիայի նմատմամբ
21-04-2011 11:04:00 | Ֆրանսիա | Միջազգային
Ֆրանսիայի նախագահ Նիկոլյա Սարկոզին հայտարարել է, որ շուտով ՆԱՏՈ-ն կհզորացնի իր օդային ռմբակոծությունները Լիբիայի եւ Մուամար Կադաֆիի զորքերի հանդեպ` օգնելով Միսուրատա քաղաքը պաշտպանող ապստամբներին:
Ինչպես հաղորդում է «Ազատություն» ռադիոկայանը, Սարկոզին նման խոստում է տվել Փարիզում Լիբիայի Անցումային ազգային խորհրդի ղեկավար Մուստաֆա Աբդել Ջալիլի հետ հանդիպման ժամանակ:
Միսուրատիում չորեքշաբթի օրը առնվազն 10 մարդ է զոհվել: Նրանց թվում է ուկրաինացի մի բժիշկ, երկու արտասահմանցի լրագրողներ` ամերիկացի Կրիս Խոնդրոսը եւ անգլիացի Թիմ Խետերինգստոնը: Վերջինս Աֆղանստանի զինվորների մասին նկարահանված ֆիլմի ռեժիսորներից էր: Այդ ֆիլմը առաջադրվել էր «Օսկար» մրցանակաբաշխությանը, որպես լավագույն վավերագրական ֆիլմ: