ԱԺ նախագահը հայտարարություն է տարածել Արսեն Ջուլֆալակյանի հրաժարականի դիմում ներկայացնելու մասին
10-09-2020 13:41:33 | Հայաստան | Հասարակություն
ՀՀ ազգային ժողովի նախագահ Արարատ Միրզոյանը «Իմ քայլը» խմբակցության պատգամավոր Արսեն Ջուլֆալակյանի հրաժարականի դիմումի մասին հայտարարություն է տարածել:
Հայտարարության մեջ մասնավորապես ասված է. «Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո մեկ շաբաթվա ընթացքում պատգամավորը գրավոր դիմումով ետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե ետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»:
«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն` Հայաստանի Հանրապետության Ազգային ժողովի պատգամավոր Արսեն Ջուլֆալակյանը սեպտեմբերի 9-ին հրաժարականի դիմում է ներկայացրել: Ջուլֆալակյանն այս մասին սեպտեմբերի 9-ի երեկոյան տեղեկացրել էր «Ֆեյսբուքի» իր էջում՝ հայտնելով նաև հրաժարականի հիմնական պատճառը:
ՀԱՅԵՐԵՆ
Русский
English
Դաս. հայերեն
French
