Covid 19-ից հետո Սեպտեմբերի 17-ին կկայանա Հայաստանից Եգիպտոս առաջին թռիչքը
16-09-2020 14:06:52 | Հայաստան | Հասարակություն
Կահիրե-Երևան հատուկ չվերթով Հայաստան է ժամանել Եգիպտոսի Զբոսաշրջության նախարար պրն Խալեդ Ալ-Անանին և իր գլխավորած պատվիրակությունը։ Զվարթնոց օդանավակայանում Եգիպտոսից ժամանած պատվարժան հյուրերին դիմավորել է Հայաստանում Եգիպտոսի դեսպան Ն․Գ․ պրն Բահաա Էլդին Բահգաթ Իբրահիմ Դիսուկին և «Էյր Կաիրո» ավիաընկերության հայաստանյան ներկայացուցչության՝ ԱՆՌԻՎԱ ՏՈՒՐ ընկերության տնօրեն Հռիփսիմե Ստամբուլյանը։
ԱՆՌԻՎԱ ՏՈՒՐ ընկերության կազմակերպմամբ՝ «Ռեդիսոն Բլու Հոթել»-ի բացօթյա այգում կայացել է հանդիպում զբոսաշրջային մի շարք ընկերությունների ներկայացուցիչների հետ։
Հանդիպման ընթացքում ներկայացվել է Հայաստանից Եգիպտոս կանոնավոր թռիչքների ժամանակագրությունը և զարգացման բոլոր հեռանկարները, մասնավորապես անդրադարձ է կատարվել Եգիպտոսի՝ մշակութային հարստության և ժառանգության՝ մեր հանրությանն առավել մոտ դարձնելու կարևորությունը, իրականացման բոլոր ճանապարհներն ու նոր ուղիները։
«Էյր Կաիրո» ավիաընկերության ժամանած ինքնաթիռի ողջ անձնակազմն անհամբեր սպասում է covid 19-ից հետո իր առաջին ուղևորներին ս․թ սեպտեմբերի 17-ին, որը լինելու է նաև Հայաստանից Եգիպտոս առաջին թռիչքը covid 19 -ից հետո, որի ժամանակ բոլոր ուղևորներին սպասվում են բազում անակնկալներ։