Երվանդ Խունդկարյանը երդմամբ ստանձնել է ՍԴ դատավորի պաշտոնը

18-09-2020 12:40:34   | Հայաստան  |  Ի՞նչ է գրում մամուլը



Սահմանադրական
դատարանի դատավորի պաշտոնում ընտրված Երվանդ Խունդկարյանը խորհրդարանում երդմամբ ստանձնեց պաշտոնը:
 
«Արմենպրես»-ի հաղորդմամբ՝ Խունդկարյանը նախ իր շնորհակալական խոսքն ասաց ՀՀ դատավորական համայնքին, պատգամավորներին, որ իրեն վստահել են՝ մասնագիտական գործունեությունը սահմանադրական արդարադատության ոլորտում շարունակելու համար: «Միաժամանակ հավաստիացնում եմ, որ ոչ թե խոսքով, այլ գործով ամեն ինչ պետք է անեմ Սահմանադրական դատարանի իմ գործընկերների հետ միասին՝ էլ ավելի ամրապնդելու ՀՀ-ում Սահմանադրական արժեքները»,-նշեց նա:
 
Խունդկարյանն այնուհետև երդվեց. «Ստանձնելով ՍԴ դատավորի պաշտոնը՝ ՀՀ  ժողովրդի առջև երդվում եմ՝ ապահովել Սահմանադրության գերակայությունը, գործել, անկախ և անաչառ, հավատարիմ մնալ ՍԴ-ի դատավորի բարձր կոչմանը»:
 
Երվանդ Խունդկարյանը սեպտեմբերի 18-ին հանդես էր եկել հայտարարությամբ, որում հայտնել էր, որ վայր է դնում Վճռաբեկ դատարանի նախագահի և Վճռաբեկ դատարանի քաղաքացիական և վարչական պալատի դատավորի լիազորությունները:
 
ՀՀ Ազգային ժողովը Սահմանադրական դատարանի դատավորների պաշտոնում Երվանդ Խունդկարյանին, Էդգար Շաթիրյանին և Արթուր Վաղարշյանին ընտրել է սեպտեմբերի 15-ին: Արթուր Վաղարշյանն ու Էդգար Շաթիրյանը խորհրդարանում երդմամբ ՍԴ դատավորի պաշտոնը ստանձնել են սեպտեմբերի 17-ին: Երվանդ Խունդկարյանի թեկնածությունն առաջադրել էր Դատավորների ընդհանուր ժողովը, Արթուր Վաղարշյանի թեկնածությունը՝ ՀՀ նախագահը, Էդգար Շաթիրյանինը՝ կառավարությունը:
 
Աննա Գրիգորյան
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 133 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար