Մարտերը շարունակվել են ամբողջ գիշեր. ՊԲ-ն ամբողջությամբ տիրապետում է իրավիճակին. Պողոսյան. 1lurer.am
29-09-2020 10:41:07 | Արցախ (ԼՂՀ) | Ի՞նչ է գրում մամուլը
«Ընդհանուր առմամբ ամբողջ գիշեր շարունակվել են մարտերը: Ադրբեջանը շարունակել է ագրեսիվ հարձակողական գործողություններ իրականացնել ղարաբաղա-ադրբեջանական սահմանգծի շփման գծի տարբեր ուղղություններով, որին Պաշտպանության բանակը հակազդել է բոլոր միջոցներով, և այս պահի դրությամբ որևէ փոփոխություն բնագծի ամբողջ երկայնքով տեղի չի ունեցել»: Այդ մասին այսօր հայտնել է ԱՀ նախագահի աշխատակազմի տեղեկատվության գլխավոր վարչության պետ Վահրամ Պողոսյանը:
Նա տեղեկացրել է, որ այս պահին էլ ընթանում են միջդիրքային մարտեր: ՊԲ-ն շարունակում է ամբողջությամբ տիրապետել իրավիճակին և անհրաժեշտ միջոցներ ձեռնարկել հակառակորդի սադրիչ գործողությունները կանխելու համար:
ՀԱՅԵՐԵՆ
Русский
English
Դաս. հայերեն
French
