«Այս պատերազմում ավելի շատ է ընդգծված ճիշտ, գրագետ, ուղեղով մտածված պատերազմ վարելու հանգամանքը: Արցախի Հանրապետության նախագահ Արայիկ Հարությունյանի գլխավորությամբ այս պատերազմը մենք տանում ենք մտածված, որպեսզի ամեն քայլի, ամեն մի օպերացիայի հետևանքով ունենանք ավելի քիչ կորուստներ»,- հայտարարել է Արցախի ԱԺ նախագահ Արթուր Թովմասյանը:
Նա նշեց, որ Ալիևը պատրաստ էր արկածախնդրության 2016 թ. ապրիլին, Ալիևը գնաց արկածախնդրության տավուշյան մարտերին: «Կարծում եմ՝ 2020 թ. սեպտեմբերի 27-ին Թուրքիայի ռազմաքաղաքական ղեկավարությունն իրեն ստիպել է գնալ նման արկածախնդրության»,- ասաց Թովմասյանը՝ հավելելով, որ Ալիևի առաջ դրված ծրագիրը՝ կարճ ժամանակամիջոցում թեյ խմել Ստեփանակերտում կամ Շուշիում, ձախողվեց, հետևաբար, ով ձախողվել է՝ պետք է հեռանա: Գուցե նա արդեն հեռացվել է»: Թովմասյանը նաև շեշտեց, որ արդեն աշխարհին է հայտնի՝ ադրբեջանական կողմից պատերազմը կառավարում է Թուրքիան, և պատերազմում թուրք բարձրաստիճան սպաներ են ներգրավված:
ՀԱՅԵՐԵՆ
Русский
English
Դաս. հայերեն
French
