ԱՄՆ-ը մտադիր է իր զորքերը Ռուսաստանի սահմաններին ավելի մոտ տեղավորել

21-10-2020 15:45:21   | ԱՄՆ  |  Քաղաքական
 


ԱՄՆ-ը քննարկում է իր զորքերը Գերմանիայից Ռուսաստանի սահմաններին ավելի մոտ տեղափոխելու տարբերակները՝ Բուլղարիա, Ռումինիա և Բալթյան երկրներ: Այս մասին հայտնում է ТАСС-ը՝ հղում անելով ամերիկյան ռազմական շրջանակների աղբյուրին:
 
Ավելի վաղ Պենտագոնի ղեկավար Մարկ Էսպերը հայտարարել էր,
որ ԱՄՆ-ը կարող է իր երկրորդ զրահատանկային գունդը Գերմանիայից տեղափոխել այլ երկիր՝ ավելի մոտ Ռուսաստանին:
 
Նախատեսվում է Գերմանիայից դուրս բերել այնտեղ տեղակայված շուրջ 11,9 հազար զորք, ինչպես նաև Բելգիա տեղափոխել ԱՄՆ եվրոպական հրամանատարության շտաբը:
 
Հունիսի սկզբին Լեհաստանի վարչապետ Մաթեուշ Մորավեցկինն ասել էր, թե հույս ունի, որ շուտով ԱՄՆ զորքերը Գերմանիայից կտեղափոխվեն Լեհաստան: Ավելի վաղ Անջեյ Դուդան բազմիցս խնդրել էր Պենտագոնին՝ ավելացնել իր ռազմական ներկայությունը հանրապետությունում և նույնիսկ խոստացել էր երկու միլիարդ դոլար տրամադրել «Ֆորտ Թրամփ» կոչվող բազան կառուցելու համար:
Նոյյան տապան   -   Քաղաքական
Լուրեր Հայաստանից եւ Սփյուռքից

Կարդացել են 141 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար