ԵԱՏՄ անդամ երկրներից ներմուծվող ռազմական, հումանիտար և առողջապահական ապրանքները կազատվեն հարկերից. ԱԺ-ն ամբողջությամբ ընդունել է նախագիծը

21-10-2020 17:37:56   | Հայաստան  |  Մամլո հաղորդագրություն
 


ԱԺ-ն երկրորդ ընթերցմամբ և ամբողջությամբ ընդունեց «Ռազմական դրության ժամանակահատվածում հարկային արտոնություններ սահմանելու» օրենքի նախագիծը: Կողմ քվեարկեց 74 պատգամավոր: 
 
ՀՀ ֆինանսների փոխնախարար Արման Պողոսյանը նշեց, որ առաջինից երկրորդ ընթեցման ժամանակահատվածում պատգամավոր Բաբկեն Թունյանն առաջարկել է չվերաձևակերպել մինչև օրենքի ընդունումն արդեն իսկ ներմուծված ապրանքների համար ԱԱՀ-ի գումարները: «Եթե չունենանք նման կարգավորում, նշանակում
է նախկինում ԱԱՀ-ից պակասեցված գումարները պետք է վերականգնվեն և նույն գումարի չափով պետք է պարտավորություն առաջանա, և այդ մասով խնդիրը լուծած չենք լինի, քանի որ այդ ապրանքների հանձնման գործընթացը կծանրաբենռվեր հարկերով: Այդ հիմնավորմամբ առաջարկն ընդունվել է»,- ասաց նա:
 
Փոխնախարարն ասաց, որ ընդունվել է նաև Բաբկեն Թունյանի ևս առաջարկ՝ պետական կառավարման մարմնի ցանկը լրացնելու վերաբերյալ: Խոսքը Բարձր տեխնոլոգիական արդյունաբերության նախարարության մասին է, որում գործում են այնպիսի միավորներ, որոնք ստանում են ռազմական դրության տրամաբանությանը համապատասխան ակտիվներ: 
 
Կառավարությունն էլ, ըստ Պողոսյանի, առաջարկել է այդ ցանկում ավելացնել նաև Տարածքային կառավարման և ենթակառուցվածքների նախարարությունը: 
 
Նշենք՝ նախագծով Կառավարությունն առաջարկել է ՊՆ-ին, ԱԻՆ-ին և Առողջապահության նախարարությանը նվիրաբերելու համար ԵԱՏՄ անդամ երկրներից ներմուծվող ռազմական, հումանիտար և առողջապահական նշանակության ապրանքներն ազատել հարկային պարտավորություններից: 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 208 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար