Անձնագրային բաժանմունքների ղեկավարների միջոցով 1400 հայկական անձնագիր է բաժանվել հայերեն իմացող ադրբեջանցիների,սա արել է Արգիշտի Քյարամյանը.Գառնիկ Իսագուլյան. Փաստինֆո

23-11-2020 18:28:56   | Հայաստան  |  Ի՞նչ է գրում մամուլը
Գալիք պատերազմի մասին Նիկոլ Փաշինյանը իմացել է դեռևս 1.5 ամիս առաջ: Հայոց պատմության մեջ տեղի է ունեցել ամենամեծ խմբակային դավաճանություն, որի գլխին կանգնած է եղել Նիկոլ Փաշինյանը և «Իմ քայլի» պատգամավորները, որոնք բանակում կատարել են վերադասավորումներ, ինչը պետք է հանգեցներ պարտության,-այսօր ասուլիսի ժամանակ նման հայտարարություն է արել «Ազգային անվտանգություն» կուսակցության նախագահ Գառնիկ Իսագուլյանը, տեղեկացնում է Փաստինֆոն:
 


Նա ընգծեց, որ նորանշանակ ԱԻ նախարար Անդրանիկ Փիլոյանը հարավային ճակատում կրած պարտության հիմնական մեղավորն է,չնայած սրան, ստացել է ազգային հերոսի կոչում:
 
«Երբ թուրքական ստորաբաժանումները մտել են Շուշի, դրանից մեկ օր հետո Շուշին ազատագրվել է, սակայն հետո եղել է նահանջի հրաման:Ստեփանակերտի մատույցներում գտնվող մեր զորքին չի զգուշացվել, որ Շուշիից նահանջողները ոչ թե ադրբեջանցիներ են, այլ հայկական զորքն է, որին հրամայված
է Շուշիից նահանջել:Միմյանց վրա կրակելուց ունեցել ենք բավականին մեծ թվով զոհոր, հայերը կրակել են հայերի վրա, սա եղել է Նիկոլ Փաշինյանի հրամանով»,-ասաց Գառնիկ Իսագուլյանը:
 
Վերջինս ասուլիսի ընթացքում հայտնեց, որ հակառակորդի 400 հոգանոց խումբ Հադրութ քաղաք է մտել թիկունքից , Նախիջևանից Քաջարանով անցել է Արցախ և առանց խոչընդոտ գնացել են մինչև Հադրութի թիկունք.
 
«Դա ապահովել է ԱԱԾ այն ժամանակվա տնօրեն Արգիշտի Քյարամյանը: Անձնագրային բաժանմունքների ղեկավարների միջոցով 1400 հայկական անձնագիր է բաժանվել հայերեն իմացող ադրբեջանցիների: Սա արել է Արգիշտի Քյարամյանը: Դա փորձեցին կոծկել, մի ժամանակ նրան պահել են Շուշիի բանտում: Ինչո՞ւ հետո ազատեցիք. որովհետև Նիկոլը հասկացավ, որ եթե Արգիշտի Քյարամյանը պետական ու հայրենիքի դավաճանության համար այդ գործով մեղադրվելու է, դա գնում է իր և իր Աննա Հակոբյանի վրա: Ասե՛ք իրականությունը, եթե ոչ, ես խոստանում եմ մեկ շաբաթից անուններ հրապարակել, թե ովքե՞ր են եղել բունկերում»,-հայտարարեց Գառնիկ Իսագուլյանը:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 407 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար