Ստեփանակերտում ականազերծման ժամանակ մեկ օրում հայտնաբերվել ու ոչնչացվել է մոտ 100 պայթյունավտանգ առարկա

03-12-2020 11:28:45   | Արցախ (ԼՂՀ)  |  Ի՞նչ է գրում մամուլը
 


ՌԴ ՊՆ միջազգային ականազերծման կենտրոնի զինծառայողները շարունակում են Լեռնային Ղարաբաղում ռուսական խաղաղապահ ուժերի պատասխանատվության տարածքում ինժեներական հետախուզման և ականազերծման աշխատանքները: Այս մասին տեղեկացնում են ՌԴ պաշտպանության նախարարությունից:
 
Ռուս խաղաղապահները Ստեփանակերտի հարավային արվարձանները մաքրել են պայթյունավտանգ առարկաներից:  Ականազերծման ընթացքում սակրավորները
մեկ օրում հայտնաբերել և վնասազերծել են մոտ 100 պայթյունավտանգ առարկա:
 
Պայթյունավտանգ առարկաները տեղափոխվում են հատուկ սարքավորված զորավարժարան և ոչնչացվում: Զինամթերքը, որը հնարավոր չէ տարհանել, ոչնչացվում է տեղում` ապահովելով անվտանգության անհրաժեշտ միջոցառումները:  
 
Ընդհանուր առմամբ, Լեռնային Ղարաբաղում խաղաղապահ գործողության ընթացքում ինժեներական ստորաբաժանումները մաքրել են ավելի քան 38 հա տեղանք և մոտ 12 կմ ճանապարհ, ստուգել են ավելի քան 100 տուն և սոցիալական նշանակության օբյեկտներ, հայտնաբերել և վնասազերծել են մոտ 1100 պայթյունավտանգ առարկա:
 
Ռուս խաղաղապահներն ապահովում են անվտանգությունը և վերանորոգող բրիգադներին օգնում են վերականգնել էլեկտրահաղորդալարերը, գազատարները, կապուղիները և տրանսֆորմատորային ենթակայանները:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 391 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար