Ստեփանակերտում և Մարտակերտում նախատեսվում են չպայթած ռազմամթերքի վնասազերծման աշխատանքներ
02-02-2021 11:29:48 | Արցախ (ԼՂՀ) | Հասարակություն
ԱՀ ՆԳՆ Արտակարգ իրավիճակների պետական ծառայությունը տեղեկացնում է, որ այսօր սակրավորները չպայթած և վտանգ ներկայացնող ռազմամթերքի վնասազերծման աշխատանքներ են նախատեսում Ստեփանակերտ քաղաքում, Մարտակերտ քաղաքում և հարակից բնակավայրերում:
«Ասկերանի շրջանի Խնածախ և Այգեստան համայնքների տարածքում, Մարտունի քաղաքում և հարակից բնակավայրերում զենք-զինամթերքի պայթեցման աշխատանքներ է նախատեսում նաև Հումանիտար ականազերծման կենտրոն հիմնադրամը:
Պայթյունների ձայներ լսելու դեպքում խնդրում ենք խուճապի չմատնվել»,- հայտնում է ԱՀ ՆԳՆ ԱԻՊԾ-ն: