Համավարակի պատճառով մանկապարտեզներում ընդունելություն դեռ չկա. քաղաքապետարանը քննարկում է հարցը
08-02-2021 13:24:10 | Հայաստան | Հասարակություն
Քաղաքացիները ակցիա են անցկացնում Երևանի քաղաքապետարանի շենքի առջև: Պահանջը՝ վերանայել նախադպրոցական կրթական հաստատություններում ընդունելության կազմակերպումը: Ծնողները նշում են, որ երեխաներին հերթագրելուց հետո սպասում են շատ երկար, սակայն կոնորավիրուսի սահմանափակումների մեղմացումից հետո էլ մանկապարտեզներից ընդունելության համար չեն կանչում:
Ծնողներից մեկի խոսքով՝ մանկապարտեզի տնօրենն ասել է, որ ընդունելությունն անորոշ ժամկետով հետաձգվում է՝ կլինի կա՛մ գարնանը, կա՛մ աշնանը: Նա նշեց, որ ստիպված հրաժարավել է աշխատանքից երեխային խնամելու համար:
Ակցիայի մասնակիցների հետ հանդիպեց Երևանի քաղաքապետարանի խոսնակ Հակոբ Կարապետյանը: Նա ասաց, որ քաղաքապետարանը տեղյակ է խնդրին և քայլեր է ձեռնարկում մանկապարտեզներում հավելյալ խմբեր ավելացնելու համար:
Նրա խոսքով՝ նախորդ տարվանից մինչև հիմա համավարակի պատճառով մանկապարտեզներում ընդունելություն չկա, և համավարակի դեմ պայքարից բխող միջոցառումների շրջանակում քաղաքապետարանը հետևում է Կառավարությունից եկող ցուցումներին:
«Քաղաքապետարանի համապատասխան ստորաբաժանումները քննարկումներ են նախաձեռնել համապատասխան գերատեսչությունների հետ՝ հասկանալով լարվածությունը, հասկանալով, որ շատ աշխատող ծնողներ երեխաներին մանկապարտեզ տանելու խնդիր ունեն: Երբ քննարկումները հանգուցալածվեն, տեղեկություն կտրվի հանրությանը»,- ասաց Կարապետյանը:
ՀԱՅԵՐԵՆ
Русский
English
Դաս. հայերեն
French
