Սյունիքի սահմանին ընթացող զարգացումների մասին. ի՞նչ կա հաստատված այս պահին
12-05-2021 19:15:10 | Հայաստան | Մեկնաբանություն
Քաղաքագետ Նարեկ Մինասյանն իր ֆեյսբուքյան էջում գրում է.
«Սյունիքի սահմանին ընթացող զարգացումների մասին. ի՞նչ կա հաստատված այս պահին
- Մարտեր, զանգվածային բախումներ ու նման բաներ չեն եղել:
- Գիշերը ադրբեջանական ուժերը առաջ են եկել Սև լճի հատվածում՝ ՀՀ տարածքի հաշվին: Թե ինչպես է հաջողվել առանց խոչընդոտ առաջ գալ՝ խնդրահարույց է ու պետք է պարզել:
- Այս պահին ՀՀ ՊՆ-ն, ռուս սահմանապահ ուժերը բանակցում են, որպեսզի ադրբեջանական ուժերը վերադառնան նախկին դիրքեր, ինչը, կարծում եմ՝ առաջիկայում կլինի:
- Հետաքրքիր զուգադիպությամբ քիչ առաջ Էրեբունիից օդ են բարձրացել ռազմական ինքնաթիռներ:
- Որոշ "լրատվականներ" գրում են մեր զորքերի տեղաշարժի մասին: Անգամ եթե դա ստույգ է, նման բնույթի տեղեկատվություն տալը ուղղված է առաջին հերթին մեր անվտանգության դեմ:
- Անհրաժեշտ է մաքսիմալ սթափ գնահատել իրավիճակը՝ տուրք չտալով անհայտ աղբյուրների "հրատապ" լուրերին:
- Տարբեր ուղղություններում ադրբեջանական ուժերի՝ "հետ-առաջ շարժվելու մարտավարությունը" լավ մտածված է և ունի ռազմական, քաղաքական, հոգեբանական և այլ շերտեր»: