ԵՐԵՎԱՆ, 4 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի խորհրդարանը դեկտեմբերի 4-ին ավարտեց աշնանային նստաշրջանի աշխատանքները` անավարտ թողնելով «Գյուղատնտեսական նշանակության հողատարածքներից հողի հարկ վճարողներին հարկային արտոնություններ տրամադրելու մասին» օրինագծի քննարկումը: Մի շարք հրատապ օրակարգային հարցեր, այդ թվում երկրորդ ընթերցմամբ «Հանրաքվեի մասին» օրենքում փոփոխություններ եւ լրացումներ կատարելու մասին օրինագիծը, չքննարկվեցին ժամանակի սղության պատճառով: Ըստ պատգամավորների, հիշյալ հարցերը կքննարկվեն մինչեւ տարեվերջ հրավիրվելիք արտահերթ նստաշրջանում:

---