Փաշինյանը բացահայտ ասաց, որ իրեն Արցախից հրաժարվելու մանդատ տվել է ժողովուրդը և «ընտրություններն այդ հարցը լուծել են»
24-08-2021 17:45:33 | Հայաստան | Մեկնաբանություն
Քաղաքագետ Հայկ Մարտիրոսյանը ֆեյսբուքյան իր էջում գրում է.
«Անչափ հետաքրքիր երկու հանգամանք.
Փաշինյանը բացահայտ ասաց, որ իրեն սահամանազատման` այսինքն Արցախից և ընդհանրապես հայկական զավթված բոլոր տարածքներից հրաժարվելու մանդատ տվել է ժողովուրդը և որ «ընտրությունները այդ հարցը լուծել են»:
Այսինքն` տեղի ունեցած ընտրությունների արդյունքները համարում է, որ իրեն հնարավորություն են տվել վերջնականապես լուծելու Հայկական հարցը` հօգուտ Մեծ Թուրքիայի և հանուն` Ադրբեջանի հետ քիրվայության:
Անչափ հետաքրական է նաև այն, որ այսպես կոչված խորհրդարանական ընդդիմությունը` նախկին երկու ռեժիմների թևերը, որ կատաղի ընդդիմության թատրոն են բեմադրում դահլիճում, ընդհանրապես շրջանցեցին և շրջանցում են սահմանազատման հարցը:
Ինչու՞:
Պատասխանը շատ պարզ է. թե´ ներկա և թե´ նախկին ռեժիմների դավաճաններին կառավարում և գործունեության ծրագիր է տալիս Մոսկվան: Իսկ Մոսկվային սահմանազատումն անչափ ձեռնտու է` ռուս-ադրբեջանական ռազմավարական դաշինքի համատեքստում:
Սահմանազատումից և Հայկական Հարցի դավաճանական փակումից հետո նախատեսվում է, որ այսօրվա խորհրդարանական մարտերի արդյունքում ձեռք բերած կեղծ վարկանիշի ալիքի վրա իշխանության կգա նախկինի դավաճանների նորացված ռեժիմը»:
ՀԱՅԵՐԵՆ
Русский
English
Դաս. հայերեն
French
