Ֆրանսիայում անցկացվել է ղարաբաղյան հակամարտության թեմայով
կոնֆերանս
23-04-2010 20:45:00 | Ֆրանսիա | Քաղաքական
ՍԵՆ-ՇԱՄՈՆ, 23 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 22-ին Ֆրանսիայի
Սեն-Շամոն քաղաքում անցկացվել է «Ղարաբաղյան հակամարտությունը եւ
Ղարաբաղի վերակառուցման ծրագրերը» թեմայով կոնֆերանս:
Ֆրանսիայում ԼՂՀ մշտական ներկայացուցչության հաղորդագրության
համաձայն, միջոցառմանը մասնակցել են քաղաքապետ Ֆիլիպ Կիզիրյանը,
Ֆրանսիա-Հայաստան բարեկամության խմբի նախագահ, պատգամավոր Ֆրանսուա
Ռոշբլուանը, տեղական ինքնակառավարման մարմինների եւ տեղի հայկական
համայնքի ներկայացուցիչներ:
Իր խոսքում ԼՂՀ մշտական ներկայացուցիչ Հովհաննես Գեւորգյանը
ներկայացրել է ադրբեջանա-ղարաբաղյան հակամարտության
սկզբնապատճառները, հակամարտության խաղաղ կարգավորման գործընթացի
ներկա փուլը: Անդրադառնալով մայիսի 23-ին կայանալիք Ազգային Ժողովի
5-րդ գումարման ընտրություններին, ԼՂՀ մշտական ներկայացուցիչը նշել
է. «Ընտրելով օրենսդիր իշխանության ներկայացուցիչներին, Ղարաբաղի
ժողովուրդը մեկ անգամ եւս հիշեցնում է աշխարհին, որ հանդիսանում է
իր ճակատագրի տերը եւ հաստատակամ է կերտել այն խաղաղ ճանապարհով եւ
ժողովրդավարական սկզբունքներին համապատասխան»:
Հ.Գեւորգյանը հանդիպում է ունեցել նաեւ Լուար շրջանի «Քլաբ
ԳԻԵՌ էնթըփրայսիս» (<>) գործարարների խոշոր
միավորման ներկայացուցիչների հետ, որոնց ներկայացրել է Արցախում
ներկա տնտեսական իրավիճակը եւ ներդրումների հնարավորությունները:
Ֆրանսիայում ԼՂՀ մշտական ներկայացուցիչը գործարարներին Արցախ է
հրավիրել տեղի գործարարների հետ համագործակցության հաստատման
նպատակով: