Մարզական ռեկորդային ցուցանիշ` մարդկության խաղաղ
գոյակցության գաղափարի համար
20-04-2010 21:30:00 | Հայաստան | Սպորտ
ԵՐԵՎԱՆ, 20 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 21-ին
ժամը 11:00-ին Երեւանի Մալաթիա-Սեբաստիա վարչական շրջանի օլիմպիական
հերթափոխի դպրոցում մարզիկ Կարեն Կարապետյանը, անհատական կամքի
դրսեւորումով եւ ՀՀ սփյուռքի նախարարության հովանավորությամբ,
կցուցադրի իր մարզական ռեկորդային ցուցանիշը: Նա հանդես կգա
Հայաստանի, Արցախի եւ ողջ սփյուռքահայ երիտասարդության անունից եւ իր
ռեկորդային ցուցանիշը սիրով կնվիրի աշխարհի ժողովուրդների
խաղաղության եւ մարդկության խաղաղ գոյակցության գաղափարին: ՀՀ
սփյուռքի նախարարությունից ստացված հաղորդագրության համաձայն, Կարեն
Կարապետյանը, կատարելով այս քայլը Հայոց Մեծ Եղեռնի 95-ամյակի
կապակցությամբ, ցանկանում է դատապարտել 20-րդ դարի սկզբին Օսմանյան
Թուրքիայի կողմից կատարած ոճրագործությունը, պահանջ ներկայացնում
ողջ աշխարհին` ճանաչելու Հայոց Մեծ Եղեռնը եւ դրանով իսկ նպաստելու
հետագա ցեղասպանությունների կանխման գործընթացին: