Ապրիլի 21-23-ին կկայանա Հայաստանի ԳԱԱ-ի տարեկան ընդհանուր
ժողովը
16-04-2010 16:58:00 | Հայաստան | Հասարակություն
ԵՐԵՎԱՆ, 16 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 21-23-ին կկայանա
Հայաստանի ԳԱԱ-ի տարեկան ընդհանուր ժողովը, որին մասնակցելու
նպատակով Երեւան կժամանեն ՀՀ ԳԱԱ արտասահմանյան անդամները:
ՀՀ ԳԱԱ 5 բաժանմունքների տարեկան ժողովներում զեկուցումներով
հանդես կգան ՀՀ ԳԱԱ արտասահմանյան անդամներ Ռուսաստանի
Դաշնությունից` Սերգեյ Ադյանը, Վահան Շահգիլդյանը, Մեժլում
Սումբատյանը, Վիլեն Ազատյանը, Արտակ Կոստանյանը, Էդուարդ
Կարախանովը, Յուրիկ Հարությունյանը, Գարեգին Թոսունյանը, Միշիկ
Ղազարյանը, Վալերի Պետրոսյանը, Լուսեղեն Բուգաեւը, Յուրի
Ապրեսյանը, Սերգեյ Ավագյանը, ԱՄՆ-ից` Ստեփան Եսայանը, Լեւոն
Միննեթյանը, Արշակ Մուրադյանը, Անի Ապրահամյանը, Ֆրանսիայից`
Պատրիկ Սուքիասյանը, Շվեդիայից` Սպարտակ Գեւորգյանը, Ուկրաինայից`
Նվեր Մխիթարյանը, Բելառուսից` Վլադիմիր Աղաբեկովը:
Զեկուցումների թեմաներն արտացոլում են հիմնարար գիտության
նվաճումները, ինչպես նաեւ վերաբերում են ժամանակակից քաղաքական,
տնտեսական եւ սոցիալական հարցերին: Մասնավորպես կընթերցվեն
հետեւյալ զեկուցումները` «Բարձր տեխնոլոգիաները կրթության մեջ»,
«Քրոնիկակա՞ն, թե՞ մարող ճգնաժամ», «Ռուս էթնոսը եւ հայկական
սփյուռքը Ռուսաստանում», «Տիեզերական գործոնների ազդեցությունը
կլիմայական գլոբալ փոփոխությունների եւ խողովակաշարերի կոռոզիայի
վրա»:
Ըստ ՀՀ ԳԱԱ-ի Տեղեկատվական-վերլուծական կենտրոնի, նոր գերծանր
117-րդ տարրի հայտնագործության մասին զեկուցումով հանդես կգա այդ
հայտնագործության հեղինակներից Ռուսաստանի գիտությունների
ակադեմիայի ակադեմիկոս, ՀՀ ԳԱԱ արտասահմանյան անդամ Յուրի
Հովհաննիսյանը: