Արմեն Գրիգորյանի հոգեհանգստի արարողությունը տեղի կունենա Նոր Նորքի Սուրբ Սարգիս եկեղեցում
16-07-2022 18:33:02 | Հայաստան | Մամլո հաղորդագրություն
Պրոդյուսեր Արմեն Գրիգորյանի հոգեհանգստի արարողությունը տեղի կունենա հուլիսի 17-ին, ժամը 17:30, Նոր Նորքի Սուրբ Սարգիս եկեղեցում։ Այս մասին հայտնում է «Շարմ Հոլդինգ»-ը:
Գրիգորյանի փաստաբան Ռուբեն Մելիքյանը հայտնել է նաև, որ հուղարկավորությունը տեղի կունենա հուլիսի 18-ին, ժամը 13։00՝ նույն վայրից։
Արմեն Գրիգորյանի ինքնազգացողությունը կտրուկ վատացել էր հուլիսի 15-ին՝ դատական նիստի ընթացքում. նա կորցրել էր գիտակցությունը: Դատարան ժամանած Շտապօգնության բրիգադին չէր հաջողվել փրկել պրոդյուսերի կյանքը:
Արմեն Գրիգորյանը ՀՀ քրեական օրենսգրքի 226-րդ հոդվածի 2-րդ մասով նախատեսված հանցանք կատարելու համար ձերբակալվել էր մայիսի 17-ին, այնուհետև կալանավորվել:
ՀԱՅԵՐԵՆ
Русский
English
Դաս. հայերեն
French
