Կապանում տղամարդը վախեցնելու նպատակով շենքի բակում նռնակ է պայթեցրել

27-07-2022 17:03:37 | Սյունիքի մարզ | Մամլո հաղորդագրություն

Հուլիսի 27-ին՝ ժամը 00.50-ին, ոստիկանություն զանգած տղամարդը հայտնել էր, որ Կապանի Բաղաբերդ թաղամասի շենքերից մեկի բակում վիճաբանություն է: Այս մասին տեղեկացնում է ՀՀ ոստիկանությունը:

Դեպքի վայր մեկնած օպերատիվ խումբը պարզել է, որ շենքի բնակիչներից մեկը բակում ավտոմեքենան արագ վարելու համար դիտողություն է արել հարևան շենքի 37-ամյա բնակչին, ինչից վիճաբանություն է սկսվել, որի ընթացքում էլ 37-ամյա երիտասարդը իր բնակարանի խորդանոցից վերցնելով «ՌԳԴ» տեսակի նռնակը՝ իջել է բակ և վախեցնելու նպատակով պայթեցրել, ինչից հետո դիտողություն արած տղամարդը ծեծի է ենթարկել նրան:

Կապանի ոստիկանները երկուսին էլ ներկայացրել են նախաքննական մարմնին:

37-ամյա տղամարդը ձերբակալվել է:

Կատարվում է նախաքննություն:

Նոյյան տապան - Մամլո հաղորդագրություն