Մադագասկարի նախագահը խնդրում է միջազգային ռազմական
օգնություն
17-03-2009 16:32:00 | Մադագասկար | Միջազգային
ԱՆՏԱՆԱՆԱՐԻՎՈՒ, 17 ՄԱՐՏԻ, ՆՈՅՅԱՆ ՏԱՊԱՆ: Մադագասկարի նախագահ
Մարկ Ռավալումանանան այսօր դիմել է ՄԱԿ-ի ղեկավարությանը եւ
Հարավ-Աֆրիկյան զարգացման ընկերակցությանը իրեն ռազմական
օգնություն ցուցաբերելու խնդրանքով:
«Նախագահի հնարավորություններն այժմ, ակնհայտորեն, շատ
սահմանափակ են: Իրադրությունը վերածվում է ռազմական հեղաշրջման:
Սակայն մինչ այժմ նա դեռ լիազորություններ ունի դիմելու
արտասահմանյան աջակցության խնդրով»,- հայտնել է պետության ղեկավարի
ներկայացուցիչը:
Դրանից բացի, ինչպես նշել է Ռավալումանանայի ներկայացուցիչը,
«նախագահը ծրագրում է մնալ Մադագասկարում»: