Ֆրանսիան ցնցված է հայ գերիների գնդակահարության տեսանյութից, պահանջում է պատժել մեղավորներին
04-10-2022 13:01:21 | Հայաստան | Ի՞նչ է գրում մամուլը
Ազատություն. «Ադրբեջանական բանակի կողմից հայ գերիների հավաքական մահապատիժը պատկերող տեսանյութերը խորապես ցնցող են», - հայտարարել է Ֆրանսիայի արտգործնախարարությունը:
«Ֆրանսիան ի գիտություն է ընդունում այդ գործողությունների առնչությամբ քննության մեկնարկը, ինչպես հայտարարել է Ադրբեջանը, և պահանջում է դրանց հեղինակներին կանգնեցնել արդարադատության առջև», - ասված է պաշտոնական Փարիզի երեկ հրապարակած հայտարարությունում:
Ֆրանսիայի արտաքին քաղաքական գերատեսչությունը նաև կոչ է անում ազատ արձակել Ադրբեջանում դեռևս պահվող հայ ռազմագերիներին: