ՔԱԲՈՒԼ, 11 ՄԱՐՏԻ, ՆՈՅՅԱՆ ՏԱՊԱՆ: Աֆղանստանի Կանդագար
քաղաքում սպանվել է կանադական CTV հեռուստաալիքում աշխատող աֆղանցի
լրագրող Ջավիդ Յազեմին, տեղեկացրել է Աֆղանստանի ՆԳՆ
ներկայացուցիչը:
Յազեմին, որը հեռուստաօպերատոր էր աշխատում եւ լուսաբանում
կանադական զորակազմի գործունեությունը Կանդագարում, գնդակահարվել է
իր քաղաքային գրասենյակից դուրս գալու ժամանակ: Առայժմ
հակակառավարական խմբավորումներից ոչ մեկը չի ստանձնել սպանության
պատասխանատվությունը:
Յազեմին Աֆղանստանում շատ հայտնի լրագրող էր: 2007 թվականին
նա ամերիկացի զինվորականների կողմից ձերբակալվել էր «Թալիբան»
արմատական շարժման գրոհայինների հետ գործակցության մեղադրանքով եւ
գրեթե 11 ամիս անցկացրել խիստ վտանգավոր հանցագործների համար
նախատեսված Բաղրամի ավիաբազայի ամերիկյան բանտում: