Իլինոյսի նահանգում անհայտ անձը կրակել է եկեղեցու քահանայի
վրա
09-03-2009 17:40:00 | ԱՄՆ | Միջազգային
ՄԱՐՐԻՎԻԼԼ, 9 ՄԱՐՏԻ, ՆՈՅՅԱՆ ՏԱՊԱՆ: Կիրակի առավոտյան անհայտ
անձը ամերիկյան Իլլինոյսի նահանգի Մարրիվիլլ քաղաքի բապտիստական
եկեղեցում ժամերգության ժամանակ կրակ է բացել, զոհվել է եկեղեցու
ավագ քահանան, մի քանի ծխականներ վիրավորվել են: Այս մասին
հաղորդում է «Նովոստի» գործակալությունը:
Եկեղեցու քահանայի` Ֆրեդ Ուինտերսի վրա հանցագործը կրակել է
երեք անգամ: Հարձակվողը կալանքի տակ գտնվում է հիվանդանոցում: Նա
ինքն իրեն մի քանի անգամ դանակահարել է, նրա վիճակը համարվում է
ծանր: Միջադեպի ժամանակ եկեղեցում մոտ 150 մարդ է եղել: