ՆԱՏՕ-ն մտադիր է կրճատել իր ներկայությունը Կոսովոյում
03-03-2009 16:35:00 | | Միջազգային
ԲԵԼԳՐԱԴ, 3 ՄԱՐՏԻ, ՆՈՅՅԱՆ ՏԱՊԱՆ: Սպասվում է Կոսովոյում
ՆԱՏՕ-ի մոտ 16 հազար մարդուց կազմված ռազմական առաքելության (KFOR)
էական կրճատում, որը կսկսվի ընթացիկ տարվա հունիսից, հաղորդում է
Բելգրադի «Պոլիտիկա» թերթը` վկայակոչելով դաշինքի բրյուսելյան
կենտրոնակայանի իրազեկ ներկայացուցչի:
«ՆԱՏՕ-ի երկրների պաշտպանության նախարարները հունիսին
հանդիպում կանցկացնեն Բրյուսելում եւ, հավանաբար, որոշում
կընդունեն Կոսովոյում KFOR-ի խորհրդանշական ներկայության
վերաբերյալ: Այնտեղ կլինեն EULEX-ը (Եվրամիության առաքելությունը),
տեղի ոստիկանությունը, Կոսովոյի պաշտպանական կորպուսը, ինչը
միանգամայն բավարար է խաղաղության եւ կայունության ապահովման
համար»,- ասել է ՆԱՏՕ-ի ներկայացուցիչը: