ԼՈՆԴՈՆ, 25 ՓԵՏՐՎԱՐԻ, ՆՈՅՅԱՆ ՏԱՊԱՆ: Մեծ Բրիտանիան
պատրաստվում է «զայրույթի ամառվա», որը պայմանավորված կլինի
նրանով, որ տնտեսական ճգնաժամի զոհերը` միջին խավի
ներկայացուցիչները, փողոց դուրս կգան` բողոքելով ֆինանսական
հաստատությունների դեմ, գրում է «Գարդիանը»:
Ըստ ոստիկանության ավագ սպա, հասարակական կարգի համար
պատասխանատու Դեյվիդ Հերթշորնի, այսօր ի հայտ է եկել 1980-ական
թվականների գործադուլների կրկնության վտանգ, երբ հարկադրական
զանգվածային դժգոհության ալիքի վրա իրենց աշխատանքը, տունը կամ
խնայողությունները կորցրած մարդիկ դառնում էին իսկական
«զինվորներ»:
Հերթշորնը նկատել է, որ նույնիսկ նրանք, ովքեր երբեք չեն
մասնակցել ցույցերի, այժմ կարող են իրենց կատաղությունը դուրս
թափել ընդհանուր բողոքի ժամանակ: