ԱՄՆ-ը նոր պատժամիջոցներ կսահմանի Ռուսաստանի և Չինաստանի նկատմամբ
09-12-2022 11:16:44 | Հայաստան | Ի՞նչ է գրում մամուլը
Հայկական ժամանակ. ԱՄՆ-ը պատրաստվում է ուրբաթ օրը նոր պատժամիջոցներ սահմանել Ռուսաստանի և Չինաստանի դեմ՝ կապված մարդու իրավունքների ենթադրյալ խախտումների և Խաղաղ օվկիանոսում ապօրինի ձկնորսությանը Պեկինի աջակցության հետ:
Այս մասին հինգշաբթի հայտնել է The Wall Street Journal-ը՝ հղում անելով աղբյուրներին։
Ըստ hրապարակման՝ սահմանափակումների շրջանակում նախատեսվում է սառեցնել ԱՄՆ-ում պետական և ռազմական բարձրաստիճան պաշտոնյաների, ինչպես նաև գործարար շրջանակների ներկայացուցիչների ակտիվները, որոնք մեղադրվում են ենթադրյալ կոռուպցիայի և մարդու իրավունքների խախտման մեջ։ Նաև կսահմանափակվի նրանց մուտքը ԱՄՆ և կարգելվի նրանց հետ բիզնես վարել։
Բացի այդ, նոր սահմանափակումները կարող են դժվարացնել պետական պաշտոնյաների և պատժամիջոցների տակ գտնվող ձեռնարկությունների համար միջազգային ճանապարհորդությունը և ֆինանսավորումը:
ԱՄՆ վարչակազմը նախատեսում է նաև պատժամիջոցներ կիրառել ռուսական պաշտպանական արդյունաբերության մի քանի ձեռնարկությունների և Ռուսաստանի Դաշնության ԿԸՀ-ի դեմ։
Միաժամանակ ԱՄՆ նախագահ Ջո Բայդենի վարչակազմը մտադիր է սահմանափակումներ մտցնել չինական գրեթե 170 խոշոր կազմակերպությունների նկատմամբ, որոնք ներգրավված են Խաղաղ օվկիանոսում իբր անօրինական ձկնորսության մեջ։
ՀԱՅԵՐԵՆ
Русский
English
Դաս. հայերեն
French
