Ալբանիան դեմ չէ իր տարածքում ամերիկյան ՀՀՊ տարրերի
տեղակայմանը
23-02-2009 16:35:00 | Ալբանիա | Միջազգային
ՏԻՐԱՆԱ, 23 ՓԵՏՐՎԱՐԻ, ՆՈՅՅԱՆ ՏԱՊԱՆ: Ալբանիան ոչինչ չունի իր
տարածքում ամերիկյան ՀՀՊ համակարգի տարրերի տեղակայման դեմ: Այս
մասին, ինչպես հաղորդում է ԻՏԱՌ-ՏԱՍՍ-ը, հայտարարել է Ալբանիայի
վարչապետ Սալի Բերիշան` մեկնաբանելով ամերիկյան «Ինտերնեշնլ հերալդ
թրիբյուն» պարբերականում հրապարակված հոդվածը, որտեղ,
մասնավորապես, հավաստվում է, որ Վաշինգտոնը կարող է Ալբանիայի
Հանրապետությունը ընտրել որպես այլընտրանք ՀՀՊ համակարգի տարրերի
տեղաբաշխման համար, եթե չհաջողվի այդ մասին պայմանավորվածության
հասնել Չեխիայի եւ Լեհաստանի հետ:
«Մինչ օրս դրա առնչությամբ ԱՄՆ-ից մենք չենք ստացել կոնկրետ
առաջարկներ: Սակայն, եթե ամերիկյան իշխանությունները նման
խնդրանքով մեզ դիմեն, ապա Ալբանիան որպես ՆԱՏՕ-ի անդամ երկիր եւ
ԱՄՆ-ի ռազմավարական գործընկեր միանշանակ համաձայնություն կտա»,-
ընդգծել է Բերիշան: