ԿԱՀԻՐԵ, 23 ՓԵՏՐՎԱՐԻ, ՆՈՅՅԱՆ ՏԱՊԱՆ: Պայթյունի հետեւանքով, որ
կիրակի երեկոյան տեղի է ունեցել Կահիրեի զբոսաշրջային կենտրոնում,
4 մարդ զոհվել է, եւս 24-ը վիրավորվել: Զոհվածների թվում է 17-ամյա
զբոսաշրջուհի Ֆրանսիայից: Վիրավորներից 17-ը ֆրանսիացիներ են,
Գերմանիայի մի քաղաքացի, Սաուդյան Արաբիայի երեք հպատակ եւ երեք
եգիպտացիներ:
Ոստիկանության տվյալներով, պայթուցիկ սարքը գտնվել է քարե
վաճառասեղանի տակ` Էլ-Հուսեյն մզկիթի հրապարակում: Խոսքը ինքնաշեն
սարքի մասին է, որ լցված է եղել մետաղի կտորներով:
Դեպքի վայր ժամանած անվտանգության ուժերի ներկայացուցիչները
հայտնաբերել են եւս մի պայթուցիկ սարք, որը հաջողվել է ժամանակին
վնասազերծել:
Առայժմ ոչ ոք չի ստանձնել այդ ահաբեկչական գործողության
պատասխանատվությունը: