Վախճանվել է օլիմպիական չեմպիոնուհի Կամիլա Սկոլիմովսկայան
19-02-2009 15:05:00 | Լեհաստան | Միջազգային
ՎԱՐՇԱՎԱ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ: Չորեքշաբթի
Պորտուգալիայում 26 տարեկան հասակում հանկարծամահ է եղել Սիդնեյի
2000 թվականի օլիմպիական խաղերի մուրճի նետման լեհ չեմպիոնուհի
Կամիլա Սկոլիմովսկայան: Այս մասին հաղորդել է լեհական
հեռուստատեսությունը:
Ցերեկը նա գանգատվել է վատ ինքնազգացողությունից, իսկ հետո
մարզումների ժամանակ կորցրել գիտակցությունը: Մարզուհուն տեղափոխել
են հիվանդանոց, բայց բժիշկները նրան փրկել չեն կարողացել:
Պորտուգալիայում Սկոլիմովսկայան լեհ թեթեւ ատլետների թիմի
կազմում մասնակցում էր հավաքների: