Խոլերայի համաճարակի զոհ է դարձել Զիմբաբվեի ավելի քան 3600
բնակիչ
18-02-2009 18:12:00 | Զիմբաբվե | Միջազգային
ՀԱՐԱՐԵ, 18 ՓԵՏՐՎԱՐԻ, ՆՈՅՅԱՆ ՏԱՊԱՆ: Խոլերայի չտեսնված թափի
համաճարակը 3688 մարդու կյանք է խլել Զիմբաբվեում, ավելի քան 77
հազար մարդ վարակված է մահացու վտանգավոր բացիլով: Այս մասին
ասվում է ՄԱԿ-ի հրապարակած տվյալներում: Խոսքը վերջին 14 տարիներին
Աֆրիկայում գրանցված խոլերայի ամենախոշոր համաճարակի մասին է:
Առողջապահության համաշխարհային կազմակերպությունը
նախազգուշացնում է, որ խոլերայով վարակվելու սպառնալիքի տակ է
հայտնվել 12 մլն զիմբաբվեացիների կեսը: Այժմ համաճարակը մոլեգնում
է Զիմբաբվեի 10 նահանգներում: Այն արդեն հատել է նաեւ հարեւան
պետությունների սահմանը. հիվանդացության դեպքեր են հանդիպում
Բոտսվանայի հյուսիսում, ՀԱՀ-ում եւ Մոզամբիկում: