Մևլյութ Չավուշօղլուն առաջիկայում կհանդիպի Սերգեյ Լավրովի հետ

29-12-2022 14:58:43 | Հայաստան | Ի՞նչ է գրում մամուլը

Ազատություն. Թուրքիայի արտաքին գործերի նախարար Մևլյութ Չավուշօղլուն այսօր ասել է, որ մտադիր է հանդիպում անցկացնել Ռուսաստանի արտաքին գործերի նախարար Սերգեյ Լավրովի հետ:

«Ես ինքս առաջիկայում կբանակցեմ իմ ռուսաստանցի գործընկերոջ հետ», - ասել է Չավուշօղլուն Անկարայում տեղի ունեցած մամլո ասուլիսում:

Նրա խոսքով՝ Թուրքիան շարունակում է շփումները տարբեր երկրների, այդ թվում՝ Ռուսաստանի, Միացյալ Նահանգների և Սիրիայի հետ: Այդ առումով նա նշել է, որ նախօրեին Մոսկվայում տեղի են ունեցել Թուրքիայի, Ռուսաստանի և Սիրիայի պաշտպանության նախարարների բանակցությունները:

Մոսկվայում կայացել է Թուրքիայի, Ռուսաստանի և Սիրիայի պաշտպանության նախարարների հանդիպումը

Չավուշօղլուի խոսքով, 2022 թվականին աշխարհում անկայունությունն աճել է: Բազում ճգնաժամերը վկայում են նոր միջազգային համակարգի ձևավորման մասին:

«Մենք բոլորս կդառնանք այդ նոր աշխարհակարգի ծննդյան ականատեսները», - հայտարարել է Թուրքիայի արտաքին գերատեսչության ղեկավարը:

Չավուշօղլուն նշել է Թուրքիայի ջանքերը ռուս-ուկրաինական հակամարտության կարգավորման և, մասնավորապես, «հացահատիկի գործարքի» կայացման հարցում:

Նա հայտարարել է, թե Անկարան Հունաստանին թույլ չի տա ընդարձակել տարածքային ջրերի սահմաններն Էգեյան ծովում:

Արմեն Քոլոյան

Նոյյան տապան - Ի՞նչ է գրում մամուլը

Կարդացել են 1590 անգամ

Մևլյութ Չավուշօղլուն առաջիկայում կհանդիպի Սերգեյ Լավրովի հետ

Noyan Tapan TV