Ատլանտյան օվկիանոսում բախվել են երկու ատոմային սուզանավեր
16-02-2009 15:03:00 | | Միջազգային
ԼՈՆԴՈՆ, 16 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի սկզբին
Ատլանտյան օվկիանոսի ջրերում բախվել են բրիտանական Vanguard եւ
ֆրանսիական Le Triomphant սուզանավերը, որոնք միջուկային
մարտագլխիկներով հրթիռներ են կրում: Տուժածներ չկան, սակայն կարող
էր տեղի ունենալ ռադիացիայի արտահոսք: Այս մասին գրում է
բրիտանական «Սան» պարբերականը` վկայակոչելով Մեծ Բրիտանիայի
պաշտպանության նախարարության անվանապես չնշվող ներկայացուցչի:
Միջադեպը, ենթադրաբար, տեղի է ունեցել փետրվարի 3-ին կամ 4-ին
Ատլանտյան օվկիանոսի բաց ջրերում: Ընդհանուր առմամբ սուզանավերում
եղել են 241 նավաստիներ, ոչ ոք չի տուժել: