Իրանը դեմ չէ հայ–ադրբեջանական սահմանին ԵՄ դիտորդների կամ ֆրանսիացի ժանդարմների տեղակայմանը. դեսպան
09-02-2023 14:56:58 | Հայաստան | Ի՞նչ է գրում մամուլը
Հայկական ժամանակ. Իրանի Իսլամական Հանրապետությունը դեմ չէ Հայաստան–Ադրբեջան սահմանին ԵՄ քաղաքացիական դիտորդական առաքելության կամ ֆրանսիացի ժանդարմների տեղակայմանը։
Այս մասին լրագրողների հետ զրույցում ասել է ՀՀ–ում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրին։
«Իրանի դիրքորոշումը հետևյալն է` տարածաշրջանային երկրների միջև խնդիրները պետք է հենց իրենց մասնակցությամբ լուծվեն։ Այլ երկրները կարող են իրենց աջակցությունն ունենալ տարածաշրջանում անվտանգության և խաղաղության ապահովման առումով։ Տարածաշրջանի երկրների մասնակցությամբ խնդիրների լուծումը կարող է ապահովել անվտանգությունը, խաղաղությունը, որը հիմնված կլինի երկխոսության և քննարկումների վրա»,– ասել է Զոհուրին։
Հարցին, թե ի՞նչ դիրքորոշում կունենա Իրանը՝ ադրբեջանական նոր ագրեսիայի հավանականության դեպքում, Զոհուրին նշել է, Իրանն, իհարկե, կփորձի աջակցել, որպեսզի խնդիրները երկխոսության և քննարկումների շրջանակում լուծում ստանան
Հիշեցնենք՝ ԵՄ քաղաքացիական առաքելության դիտորդներն իրենց աշխատանքը կսկսեն փետրվարի 20-ից։ Նրանց կազմում Ֆրանսիայից 8 ժանդարմ է լինելու։
ՀԱՅԵՐԵՆ
Русский
English
Դաս. հայերեն
French
