Հայաստանի քաղաքացիներին հիփոթեքային վարկերը տրամադրել միայն դրամով. նախագիծն ԱԺ-ում է
10-02-2023 11:44:36 | Հայաստան | Ի՞նչ է գրում մամուլը
shantnews. Պատգամավորներն առաջարկում են Հայաստանի քաղաքացիներին հիփոթեքային վարկերը տրամադրել միայն դրամով: «Քաղաքացիական պայմանագիր» խմբակցության անդամներ Գևորգ Պապոյանի, Արուսյակ Մանավազյանի և Նարեկ Գրիգորյանի հեղինակած այս նախագիծն այսօր քննարկվել է խորհրդարանում:
Գևորգ Պապոյանի գնահատմամբ՝ վերջին տարիներին գլոբալ զարգացումների համատեքստում մեծացել է արտարժույթի տատանողականությունը, ինչն էական ռիսկեր է առաջացնում ինչպես պետության, այնպես էլ քաղաքացիների համար, հատկապես այն քաղաքացիների համար, որոնք հիփոթեքային արտարժութային վարկեր ունեն:
Պատգամավորներից մի քանիսн իրենց մտահոգությունն են հայտնել, որ այս նախագծի հետևանքով կարող են վարկերը թանկանալ: