ՄՈՍԿՎԱ, 10 ՓԵՏՐՎԱՐԻ, ՆՈՅՅԱՆ ՏԱՊԱՆ: Ռուսաստանում նկատվում է երիտասարդական ազգայնամոլական խմբավորումների ակտիվացում, որոնք ավելի հաճախակի են իրենց նպատակների իրականացման համար դիմում բռնի մեթոդների: Այս մասին, ինչպես հաղորդում է «Նովոստի» գործակալությունը, հայտարարել է ՌԴ ԱԴԾ տնօրեն Ալեքսանդր Բորտնիկովը: «Վերջին ժամանակներս ահաբեկչական սպառնալիքի աղբյուր է նաեւ տաարբնույթ երիտասարդական ազգայնամոլական խմբավորումների եւ արմատական ուղղվածության կազմակերպությունների գործունեությունը, որոնք ավելի հաճախակի են դիմում բռնության մեթոդների իրենց նպատակներին հասնելու համար»,- ասել է Բորտնիկովը:

---