ԿԱՐԱԿԱՍ, 9 ՓԵՏՐՎԱՐԻ, ՆՈՅՅԱՆ ՏԱՊԱՆ: Իշխանությունները Կարակասում սինագոգի վրա հարձակման մեղադրանքով, որ կատարվել էր հունվարի 31-ի գիշերը, ձերբակալել են 11 մարդու: Այս մասին տեղի հեռուստաալիքին հարցազրույցի ժամանակ հայտնել է Վենեսուելայի նախագահ Հուգո Չավեսը: Նա հիշեցրել է, որ զինված հանցագործների սինագոգ ներխուժելուց հետո վենեսուելական ընդդիմությունը եւ մասնավոր հեռուստաալիքներից մեկը այդ գործողության մեջ անհիմն մեղադրել էր կառավարությանը: Վենեսուելայի նախագահը ընդգծել է, որ հետաքննության արդյունքները ապացուցում են, որ պաշտոնական իշխանությունները որեւէ առնչություն չեն ունեցել այդ հանցագործության հետ:

---