Ղրղզստանի կառավարությունը վերջնական որոշում է ընդունել
ԱՄՆ-ի ռազմակայանի փակման մասին
06-02-2009 18:57:00 | Ղրղզստան | Միջազգային
ԲԻՇՔԵԿ, 6 ՓԵՏՐՎԱՐԻ, ՆՈՅՅԱՆ ՏԱՊԱՆ: Ղրղզստանի կառավարությունը
վերջնական որոշում է ընդունել Մանասի ամերիկյան ռազմաօդային
հենակայանի փակման մասին:
Հինգշաբթի հաղորդվել էր, որ առայժմ այդ հարցի շուրջ դեռ
բանակցություններ են ընթանում ԱՄՆ-ի եւ Ղրղզստանի միջեւ, սակայն
այսօր առավոտյան «Ռոյթերը» հաղորդեց Ղրղզստանի վերջնական որոշման
մասին:
«Որոշումն ընդունվել է: ԱՄՆ-ի դեսպանությունը եւ Ղրղզստանի
ԱԳՆ-ն կարծիքներ են փոխանակել այդ առթիվ, սակայն այլեւս ոչ մի
քննարկում չի կարող լինել»,- ասել է Ղրղզստանի կառավարության մամլո
քարտուղար Այբեկ Սուլթանղազիեւը: