ՊԱՆԱՄԱ, 5 ՓԵՏՐՎԱՐԻ, ՆՈՅՅԱՆ ՏԱՊԱՆ: Լատինական Ամերիկայում այս տարի կսկսի գործել առաջին ռուսալեզու հեռուստատեսային ալիքը: Inter Russia TV Channel (ITR TV) կոչվող հեռուստաալիքը նախատեսված է լատինամերիկյան լսարանի համար եւ աշխատել կսկսի 4 ամիս անց Պանամայում: Ինչպես հաղորդում է «Ֆրանսպրեսը», հեռուստաալիքը կաշխատի ամեն օր տասական ժամ, որոշ ծրագրեր կհեռարձակվեն իսպաներեն մակագրերով: «Դա կստեղծի նոր մշակութային տարածություն, ինչպես, օրինակ, այլ երկրների զանազան ալիքները, որոնք արդեն հասել են Պանամա»,- ասել է նոր ալիքի տնօրեն Լուիս Ռոմերոն: ITR TV-ի ղեկավարությունը նաեւ ծրագրում է առաջին ռուսալեզու հեռուստատեսությունը տարածել ամբողջ Լատինական Ամերիկայի տարածաշրջանով մեկ, որտեղ, ըստ հաշվարկների, ապրում են մոտավորապես կես միլիոն ռուսախոս մարդիկ:

---