ՆՅՈՒ ՅՈՐՔ, 3 ՓԵՏՐՎԱՐԻ, ՆՈՅՅԱՆ ՏԱՊԱՆ: Արջամկան օրվա առթիվ
կազմակերպվող ամենամյա հանդիսության մասնակից արջամուկը կծել է
Նյու Յորքի քաղաքապետ Մայքլ Բլումբերգին, հաղորդում է «Ասոշիեյթեդ
պրես» գործակալությունը:
Միջադեպը տեղի է ունեցել Սթեյթեն-Այլենդի կենդանաբանական
այգում: Գարնան գալուստը կանխատեսելու արարողության ժամանակ Չարլզ
Հոգ մականունով արջամուկը անսպասելի կծել է քաղաքապետի ձեռքը
այնպես, որ արյուն է եկել, քաղաքագլուխը կապել է վերքը եւ մնացել
արարողությանը:
Կատաղության հիվանդություն քաղաքապետին չի սպառնում, քանի որ
արջամուկը ծնվել է անազատության մեջ եւ երբեք այլ կենդանիների հետ
չի շփվել, հայտնել են նյույորքյան կենդանաբանական այգու
ներկայացուցիչները: