ՆԱՅՐՈԲԻ, 2 ՓԵՏՐՎԱՐԻ, ՆՈՅՅԱՆ ՏԱՊԱՆ: Առնվազն 111 քենիացի է զոհվել վթարի ենթարկված բենզատարից բենզին վերցնելու փորձի ժամանակ: Այս մասին հայտնել է ոստիկանության ներկայացուցիչ Հասան Նուր Հասանը, որը գլխավորում է Ռիֆթ-Վալլիի նահանգի իրավապահ մարմինների բաժանմունքը, որտեղ նախորդ օրը երեկոյան տեղի է ունեցել միջադեպը: «Առայժմ բոցավառման ստույգ պատճառը պարզված չէ: Սակայն ենթադրում ենք, որ դա տեղի է ունեցել այն պատճառով, որ ձրի վառելիք հայթայթելու համար բենզատարին մոտեցած տեղի բնակիչներից մեկը անփութորեն վայր է գցել սիգարետը: Չի բացառվում նաեւ այն վարկածը, որ ինչ-որ մեկը հատուկ է վառել բենզինը ոստիկանության հանդեպ չարությունից»,- ասել է Հասան Նուր Հասանը:

---