Ադրբեջանն ու Թուրքիան համատեղ անօդաչուներ կարտադրեն
28-04-2023 15:11:45 | Հայաստան | Ի՞նչ է գրում մամուլը
Հայկական ժամանակ. Ադրբեջանի պաշտպանության նախարարության և թուրքական «Բայքար» ընկերության միջև ստորագրվել է Ադրբեջանում անօդաչու թռչող սարքերի (ԱԹՍ) համատեղ արտադրության մտադրության մասին արձանագրություն։
Այս մասին հայտնել է «Բայքար» ընկերությունը։
«Այսօր մեր գլխավոր տնօրեն Հալուք Բայրաքթարը և Ադրբեջանի պաշտպանության փոխնախարար Ագիլ Գուրբանովը ստորագրել են «Բայքար» ընկերության և Ադրբեջանի պաշտպանության նախարարության միջև անօդաչու թռչող սարքերի համատեղ արտադրության արձանագրություն, որին մասնակցել է նաև Ադրբեջանի ռազմաօդային ուժերի հրամանատար, գեներալ-լեյտենանտ Ռամիզ Թախիրովը»,- ասված է հաղորդագրությունում: