Ալիևը վերջին մեկ շաբաթում «Ղարաբաղում և Արևելյան Զանգեզուրում 10 գյուղերի հիմքն է դրել»
10-05-2023 11:49:38 | Հայաստան | Ի՞նչ է գրում մամուլը
Ազատություն. Ադրբեջանի նախագահ Իլհամ Ալիևը հայտարարել է, որ «2023 թվականի մայիսի 2-ից մինչև մայիսի 10-ը Ղարաբաղում և Արևելյան Զանգեզուրում 10 գյուղերի հիմքն է դրել»։
«Մայիսի 2-ից մինչ օրս եղել եմ Ղարաբաղում և Արևելյան Զանգեզուրում։ Այս ընթացքում բազմաթիվ միջոցառումներ են իրականացվել, մասնավորապես՝ 10 գյուղերի հիմքեր են դրվել և մի շարք այլ բաների սկիզբ, և այս օրերին ես տեսել եմ, թե ինչպես են վերածնվում Ղարաբաղը և Արևելյան Զանգեզուրը», - հոր՝ Հեյդար Ալիևի ծննդյան 100-ամյակի կապակցությամբ իր ուղերձում ասել է Ադրբեջանի նախագահը:
Նա նաև նշել է, որ «Ղարաբաղում և Արևելյան Զանգեզուրում ներկայումս կառուցվում և վերականգնվում են ճանապարհներ, կամուրջներ, թունելներ, էլեկտրակայաններ, ջրամբարներ, էլեկտրահաղորդման գծեր, դպրոցներ, հիվանդանոցներ, բնակելի շենքեր և մզկիթներ»։
«Մեծ առաջնորդ Հեյդար Ալիևի ամենամեծ երազանքը Շուշան (Շուշին), Ղարաբաղն ու Զանգեզուրն ազատ տեսնելն էր», - հայտարարել է Ադրբեջանի նախագահը։
ՀԱՅԵՐԵՆ
Русский
English
Դաս. հայերեն
French
