Պուտինը հանձնարարել է միջոցներ ձեռնարկել դեպի արտասահման ռուսների արտահոսքը նվազեցնելու համար
12-05-2023 18:50:39 | Ռուսաստան | Ի՞նչ է գրում մամուլը
armtimes.com Ռուսաստանի իշխանությունները պետք է լրացուցիչ միջոցներ ձեռնարկեն՝ որպեսզի ավելի քիչ ռուսաստանցիներ մեկնեն արտերկիր, այդ թվում՝ ստեղծելով երկրում գրավիչ կենսապայմաններ։ Նման կետով համալրվել է Ռուսաստանի Դաշնության պետական միգրացիոն քաղաքականության հայեցակարգը, որը բխում է պետության ղեկավար Վլադիմիր Պուտինի հրամանագրից։
Այս մասին գրում է tass.ru-ն:
«2022 թվականին փոխված սոցիալ-տնտեսական պայմանների ազդեցության տակ Ռուսաստանի Դաշնության բնակչության միգրացիոն արտահոսքն ավելացել է արտասահման»,- ասված է այսօր հրապարակված փաստաթղթի կետերից մեկում։
Բացի այդ, համալրվել են միգրացիոն քաղաքականության հիմնական ուղղությունները՝ Ռուսաստանի Դաշնություն հայրենակիցների կամավոր վերաբնակեցման և մուտքի կարգավորման առումով։ Այժմ նրանց թվում է «Դոնեցկի Ժողովրդական Հանրապետության, Լուգանսկի Ժողովրդական Հանրապետության, Զապորոժժիայի և Խերսոնի շրջանի բնակիչների վերադարձի պայմանների ստեղծումը, որոնք հատուկ ռազմական գործողության ժամանակ լքել են իրենց մշտական բնակության վայրերը։
Միգրացիոն քաղաքականության ձևավորման և իրականացման պայմանները ճշգրտվել են՝ հաշվի առնելով առկա իրավիճակը։
ՀԱՅԵՐԵՆ
Русский
English
Դաս. հայերեն
French
