ԱՄՆ պետքարտուղարությունն արձագանքել է Վրաստանի և Ռուսաստանի միջև օդային հաղորդակցության վերականգնմանը
17-05-2023 13:18:02 | Հայաստան | Ի՞նչ է գրում մամուլը
1lurer. «ԱՄՆ պետքարտուղարությունը կարծում է, որ այժմ Ռուսաստանի Դաշնության հետ համագործակցությունն ամրապնդելու ժամանակը չէ։ Ուկրաինա ռուսական ներխուժման հետ կապված զանգվածային հակառուսական պատժամիջոցների ֆոնին մտահոգիչ է Վրաստանի և Ռուսաստանի միջև ուղիղ չվերթերի վերականգնումը»,- հայտարարել է ԱՄՆ պետքարտուղարության գլխավոր փոխխոսնակ Վեդանտ Պատելը ճեպազրույցի ժամանակ:
«Եթե Ռուսաստանի և Վրաստանի միջև ուղիղ չվերթեր լինեն, դա աճող անհանգստություն կառաջացնի ոչ միայն ԱՄՆ-ի և մյուս արևմտյան երկրների, այլև այն ընկերությունների համար, որոնք կարող են աշխատել վրացական օդանավակայաններից: Ամբողջ արևմտյան հանրությունը հեռավորություն է պահպանում Ռուսաստանից, և մենք կարծում ենք, որ այժմ այդ երկրի հետ համագործակցությունն ամրապնդելու ժամանակը չէ»,- ասել է Պատելը:
2023 թվականի մայիսի 15-ին հայտնի դարձավ, որ Վրաստանը վերսկսում է ավիահաղորդակցությունը Ռուսաստանի հետ։
Թբիլիսին անթույլատրելի է համարել երկու երկրի միջև ուղիղ ավիահաղորդակցությունից հրաժարվելը:
Մայիսի 19-ին՝ Ռուսաստանից առաջին ինքնաթիռի վայրէջքի օրը՝ ի նշան Վրաստանի և Ռուսաստանի միջև օդային հաղորդակցության վերականգնման դեմ բողոքի, ակցիա կանցկացվի Թբիլիսիում։ Այս մասին հայտարարել է «Դրոա» շարժման առաջնորդ Էլենե Խոշտարիան։
ՀԱՅԵՐԵՆ
Русский
English
Դաս. հայերեն
French
