Նախագահ Բարակ Օբամայի երդմնակալության ժամանակ Ռուսաստանը
կներկայացնի ԱՄՆ-ում ՌԴ-ի դեսպանը
16-01-2009 18:06:00 | Ռուսաստան | Միջազգային
ՄՈՍԿՎԱ, 16 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 20-ին
Վաշինգտոնում ԱՄՆ-ի նորընտիր նախագահ Բարակ Օբամայի
պաշտոնակալության արարողության ժամանակ Ռուսաստանի Դաշնությունը
կներկայացնի այդ երկրում Ռուսաստանի դեսպան Սերգեյ Կիսլյակը: Այս
մասին հայտնել է Պետդումայի միջազգային գործերի հանձնաժողովի
ղեկավար Կոնստանտին Կոսաչովը:
Կոսաչովը հիշեցրել է, որ հունվարի 15-ին ՌԴ նախագահ Դմիտրի
Մեդվեդեւը Մոսկվայում աշխատանքային հանդիպում է անցկացրել Սերգեյ
Կիսլյակի հետ: «Այդ իրադարձությունները ակնհայտորեն կապված են
միմյանց հետ, եւ վստահ եմ, որ նախագահը դեսպանին է շարադրել մեր
հարաբերությունների ռազմավարական տեսլականը: Անկասկած, այդ
ազդանշանը կհաղորդվի նախագահ Օբամային»,- ավելացրել է Կոսաչովը: