Մոսկվան սպասում է Բրյուսելում նախատեսված Ալիև-Փաշինյան հանդիպման արդյունքներին. Զախարովա
13-07-2023 15:48:39 | Հայաստան | Ի՞նչ է գրում մամուլը
Հայկական ժամանակ. Մոսկվան աջակցում է ցանկացած կառուցողական միջնորդության, որը կհանգեցնի Բաքվի և Երևանի միջև խաղաղության:
Այս մասին NEWS.ru-ի հետ զրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Այսպես նա արձագանքել է Եվրոպական խորհրդի նախագահ Շառլ Միշելի միջնորդությամբ հուլիսի 15-ին Բրյուսելում նախատեսված՝ վարչապետ Նիկոլ Փաշինյանի հետ Ադրբեջանի նախագահ Իլհամ Ալիևի հանդիպումը մեկնաբանելու խնդրանքին։
Նրա խոսքով, վաղաժամ է որևէ եզրակացություն անելը։
«Մենք աջակցում ենք ցանկացած կառուցողական միջնորդության, որը տանում է դեպի կայուն խաղաղություն: Ուստի անհրաժեշտ է հանդիպման արդյունքների հիման վրա եզրակացություններ անել»,- ասել է Զախարովան։